© https://mtisambebi.ge/ - \"ქვემო სვანეთში, სოფელ ლეუშერში 4 წლის წინ დავბრუნდით გარდაბნის რაიონიდან. 5 შვილი მყავს. იქ სამუშაო არ იყო. აქ კარტოფილი დავთესეთ, ლობიო. ამ სოფელში სულ 6-7 მოსახლეა. სხვა ბავშვები არ არიან, რომ გავიდნენ და ეთამაშონ. ერთი ტელეფონი გვაქვს და როცა ვრიცხავთ, იმ ინტერნეტს იზიარებენ ბავშვები. წვიმაა, თოვლია, ქარია, გარეთ ვერ დადგები, სახლში კი კარგად არ იჭერს. სოფელში ბავშვებს არანაირი გასართობი არ აქვთ. ერთადერთი, წავიყვანო ყანაში, ცოტა ხნით დავიხმარო. სკოლიდან რომ ბრუნდებიან, მეუბნებიან, დედა, მასალა გვაქვს ინტერნეტში მოსაძიებელი. სწავლებაც ონლაინ რეჟიმზეა. ეს მათ განათლებაზეც დიდ ზეგავლენას ახდენს, რაღაცნაირად იჩაგრებიან\", - ინგა ხაჭვანი - სოფელი ლეუშერი, ქვემო სვანეთი.
