მოქალაქეები ვაჟა გაფრინდაშვილის მხარდასაჭერად გაერთიანდნენ

ვაჟა გაფრინდაშვილის მხარდაჭერის სურვილმა დღეს, ექიმები, მისი ახლობლები, სხვადასხვა პოლიტიკური ძალის წარმომადგენლები და რიგითი მოქალაქეები გააერთიანა. აქციის მონაწილეები დედაქალაქში, ელბაქიძის აღმართზე შეიკრიბნენ. მოგვიანებით კი, ავტობუსებისა და ავტომანქანების კოლონა, თბილისიდან საოკუპაციო ხაზისკენ დაიძრა. აქტივობას დილიდან შეუერთდნენ ბაიკერებიც. სოლიდარობის აქცია სოციალური ქსელით, ოჯახის ორგანიზებით დაიგეგმა. უკვე თვეზე მეტია, მედიკოსი ოკუპირებული ცხინვალის საპატიმროშია. მომდევნო ე.წ. სასამართლო პროცესი კი, სავარაუდოდ, მომავალ კვირაში გაიმართება. რა გადაწყვეტილებას მიიღებს დე ფაქტო რეჟიმი, ჯერჯერობით უცნობია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.