სამარშრუტო მიკროავტობუსების მძღოლების აქცია ბათუმიდან

ხელვაჩაურში სამარშრუტო მიკროავტობუსების მძღოლებმა, რომლებიც ბათუმიდან ხელვაჩაურის მიმართულებით მოძრაობენ,  აქცია გამართეს და მგზავრობის საფასურის 70 თეთრამდე გაზრდა მოითხოვეს. აქციის მონაწილეები ამბობენ, რომ პანდემიის პირობებში საზოგადოებრივი ტრანსპორტით სარგებლობასთან დაკავშირებით შემოღებული რეგულაციების გამო, მათი შემოსავალი მნიშვნელოვნად შემცირდა, ხარჯი კი გაიზარდა. დამატებითი თანხები მიკროავტობუსებში ლუქის დამაგრებასა და ღია ფანჯრების მოწყობასაც დასჭირდა. ადგილზე ბათუმის მერიის ინსპექტირების სამსახურის წარმომადგენლები იმყოფებოდნენ. აქციის მონაწილეებმა მათ ვადა ხუთშაბათამდე მისცეს და თუ გადაწყვეტილება მათ სასარგებლოდ არ იქნება მიღებული, აქციას განაახლებენ.  ხელვაჩაურის მიმართულებით ამ დროისთვის მხოლოდ ავტობუსები გადაადგილდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.