მოსკოვი დასავლეთის წინააღმდეგ რეაგირებას განიხილავს

მოსკოვი განიხილავს დასავლეთის წინააღმდეგ რეაგირებას. ამის შესახებ, რუსეთის პრეზიდენტმა სანქტ-პეტერბურგში, საერთაშორისო საინფორმაციო სააგენტოების რედაქტორებთან შეხვედრისას განაცხადა. ვლადიმერ პუტინის თქმით, რუსეთმა პირველ რიგში უნდა გააუმჯობესოს საჰაერო თავდაცვის სისტემები, იმისთვის, რომ გაანადგუროს რაკეტები. როგორც რუსეთის პრეზიდენტი აცხადებს, რასაც ეს ქვეყნები აკეთებენ, არის პირდაპირი ჩართულობა რუსეთის ფედერაციის წინააღმდეგ ომში და რუსეთი იტოვებს უფლებას, იმავე გზით იმოქმედოს. პუტინმა ასევე ისაუბრა აშშ-ის საპრეზიდენტო არჩევნებზეც. მისი თქმით, შედეგებს რუსეთისთვის განსაკუთრებული მნიშვნელობა არ ექნება. მან ბაიდენსა და ტრამპზეც ისაუბრა. „ისინი ამერიკის დიდებით არიან დაინტერესებული, ისინი არ იბრძვიან უკრაინისთვის ან უკრაინელი ხალხისთვის, არამედ საკუთარი დიდებისთვის და მსოფლიოში ლიდერობის შენარჩუნებისთვის. არ სურთ, რუსეთს საშუალება მისცენ, რაიმე წარმატება მიაღწიოს, რადგან ფიქრობენ, რომ ეს დააზიანებს მათ ლიდერობას. ამაში მთელი აზრი იმის, რასაც აშშ-ი აკეთებს“, – განაცხადა პუტინმა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.