აჭარის მაუწყებლის მრჩეველთა საბჭოს გადაწყვეტილება

საზოგადოებრივი მაუწყებლის აჭარის ტელევიზიისა და რადიოს დირექტორი, ნათია კაპანაძე თანამდებობიდან გადააყენეს. გადაწყვეტილება აჭარის ტელევიზიის მრჩეველთა საბჭომ მიიღო. საკითხს 5 წევრიდან, მხარი 4-მა დაუჭირა, ხოლო ერთი წინააღმდეგი წავიდა. ნათია კაპანაძე ამბობს, რომ მისთვის ეს გადაწყვეტილება არ ყოფილა მოულოდნელი. მისი პოზიციით, გარკვეულ ადამიანებს არ უნდათ საზოგადოებრივი მაუწყებლის აჭარის ტელევიზიისა და რადიოს დამოუკიდებლობა. ნათია კაპანაძე ბორდის დღევანდელი გადაწყვეტილების გასაჩივრებას ბათუმის საქალაქო სასამართლოში გეგმავს. ნათია კაპანაძის გადაყენების თხოვნით, მრჩეველთა საბჭოს, ირაკლი დარცმელიძემ და გიგა ჩხარტიშვილმა  მიმართეს. მათი პრეტენზია ნათი კაპანაძისადმი ტელევიზიის რეიტინგს, პროგრამული პრიორიტეტების შეუსრულებლობას და საბიუჯეტო სახსრების არამიზნობრივ ხარჯვას უკავშირდებოდა. ამ დროისთვის აჭარის ტელევიზიის მრჩეველთა საბჭოში სულ ხუთი მოქმედი წევრია და დირექტორის გადაყენებისთვის სამი ხმა იყო საჭირო. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.