საქართველო ევროკავშირის წევრობის კანდიდატი ქვეყანა

14 დეკემბერი - ისტორიული დღე საქართველოსთვის. ევროინტეგრაციის გზაზე ახალი ეტაპი იწყება. საქართველო ევროკავშირის წევრობის კანდიდატია. სტატუსზე გადაწყვეტილება ევროპულმა საბჭომ ერთსულოვნად, 27 ხმით მიიღო. ქვეყანა მილოცვებს მიიღებს. რეფორმების პროცესში პროგრესის აღიარება და ძლიერი მხარდაჭერის სიგნალი ევროკავშირის წევრობისკენ მიმავალ გზაზე - ასეთია გზავნილები ბრიუსელიდან, სადაც ევროპული საბჭოს ისტორიული სამიტი ცოტა ხნის დასრულდა. გაფართოების პაკეტის დამტკიცებას წინ ევროკომისიის 8 ნოემბრის ანგარიში უძღოდა, რომლითაც საქართველოსთვის სტატუსის მინიჭებაზე დადებითი რეკომენდაცია გაიცა. ეს რეკომენდაცია ევროპის ქვეყნების მეთაურებმა სრულად გაიზიარეს და სტატუსის მინიჭების გარდა დასკვნაში ჩაწერეს, რომ ევროკავშირი საქართველოს და მოლდოვას უკრაინის წინააღმდეგ რუსეთის ომის შედეგად შექმნილი გამოწვევების გამკლავებაშიც დაეხმარება. საქართველო-ევროკავშირის ურთიერთობაში გარდამტეხი ფაზის ათვლა დაიწყო. წინ ცხრა რეკომენდაციის სახით ახალი საშინაო დავალებაა, რომელიც ქვეყანამ კიდევ ერთ ეტაპზე გადასასვლელად, ანუ ევროკავშირის წევრობაზე მოლაპარაკებების დასაწყებად უნდა შეასრულოს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.