© https://mtisambebi.ge/ - მარტო ექვსი წლის წინ დარჩა. ზამთარში გარესამყაროს მოწყვეტილია, ზამთარი კი ჯავახეთის ამ სოფელში ექვსი თვე გრძელდება. ყინვა -40 გრადუსს აღწევს. ჩაკეტილი ასფარადან გაღწევის ერთადერთი გზა ფარავნის გაყინული ტბაა. ახალქალაქისა და კუმურდოს ეპისკოპოსს ნიკოლოზ ფაჩუაშვილს, რომელსაც თითქმის ნახევარი სოფელი უკვე ნაყიდი აქვს, უთქვამს, რომ როცა იქ ოაზისს გააკეთებს, მთიდან ტრასამდე საბაგირო იმუშავებს. მეუფეს ამ სოფლის ერთადერთი მუდმივი მცხოვრების სახლის ყიდვაც განუზრახავს. ეპისკოპოსი დახმარებას ითხოვს „სამშობლოს ყიდვაში, რომ ის არ მოხდეს, რაც დღეს დავით გარეჯში ხდება“.
