ოპოზიციური სამეულის პოლიტიკური გეგმა

ყველაზე მსხვილ ოპოზიციურ პარტიაში არსებული მწვავე დაპირისპირების ფონზე ოპოზიციის ნაწილი აქციისთვის ემზადება. 24 თებერვალს, ანუ რუსეთის მხრიდან უკრაინაზე თავდასხმის ერთი წლისთავზე საქართველოში „ეროვნულ-განმათავისუფლებელი მოძრაობის“ დაწყება ანონსდება. გეგმის ავტორები გიორგი ვაშაძე, ზურა ჯაფარიძე და ელენე ხოშტარია არიან, რომლებსაც ცალკეული ოპოზიციური ძალები და სხვადასხვა სფეროს წარმომადგენლებიც უერთდებიან. ერთი თვით ადრე დაანონსებული აქციის მიზანი უკრაინის და ევროპული მომავლის მიმართ მხარდაჭერის დაფიქსირება და ორგანიზატორების მიერ რუსეთის სასარგებლოდ პოზიციონირებაში დადანაშაულებული ხელისუფლების შეცვლაა. ჯერ უცნობია, შეუერთდებიან თუ არა აქციას საპარლამენტო ოპოზიციური პარტიები. სტრატეგიის არარსებობის არგუმენტით ნაწილი რუსთაველის გამზირზე მისვლას არ აპირებს. რამდენად ხანგრძლივი იქნება პროტესტი ოპოზიციონერი ლიდერების მხრიდან რამდენჯერმე დაანონსებული ცხელი პოლიტიკური ზაფხულის თუ შემოდგომის ფონზე, ახალი გეგმის მიმართ სკეპტიციზმს ოპოზიციაშიც არ მალავენ.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.