სააკაშვილი ოპოზიციას პარლამენტის დატოვებისკენ და აქციებისკენ მოუწოდებს

არჩევნები დასრულდა, პოლიტიკური ვითარება კიდევ უფრო დამძიმდა. „ნაციონალური მოძრაობა“ და მის გარშემო გაერთიანებული ოპოზიცია მეორე ტურის შედეგებს არ აღიარებს და აქციების რეჟიმზე გადადის. ვადამდელი საპარლამენტო არჩევნებისთვის ბრძოლა და პარლამენტის მანდატებზე უარი - ასეთია მიხეილ სააკაშვილის მთავარი გზავნილი ციხიდან. მოწოდება უკვე გაიზიარა „ნაციონალური მოძრაობის“ რამდენიმე წევრმა - „ლელოს“ ლიდერის, მამუკა ხაზარაძის შემდეგ პარლამენტს ტოვებენ ნონა მამულაშვილი, ლევან ვარშალომიძე და ანა წითლიძე. ანალოგიური გეგმა აქვს ზურაბ „გირჩი“-ჯაფარიძესაც. ოპოზიციის მომდევნო საპროტესტო გამოსვლა თბილისში 6 ნოემბერს არის დაანონსებული. მანამდე კი აქციები რეგიონებში იგეგმება. როგორც ირკვევა, სამოქმედო სტრატეგიის გარშემო ოპოზიციის რიგებში პოზიციები იყოფა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.