უამინდობა საქართველოში

პრობლემები შექმნა უამინდობამ, თითქმის მთელი ქვეყნის მასშტაბით. ძლიერი ქარის გამო, გუდაურში ამ დროისთვის მხოლოდ პირველი საბაგირო მუშაობს. მთის კურორტების განვითარების კომპანიის ინფორმაციით, საბაგიროების გათიშვის გადაწყვეტილება უსაფრთხოების გამო მიიღეს. კურორტი გუდაური დილით სრულად დაიკეტა. ჩაიშალა ფრისტაილში საქართველოს თასის ეტაპი. ინტენსიური თოვის გამო მცირე შეფერხებაა რიკოთის უღელტეხილზე. გაწმენდითი სამუშაოები მთელი ღამის განმავლობაში მიმდინარეობდა. ადგილზე რჩება სპეციალური ტექნიკა. იყრება ტექნიკური მარილი. რთულია ვითარება სხვა მონაკვეთებზეც. თოვლისა და შეზღუდული ხილვადობის გამო, გომი-საჩხერე-ჭიათურა-ზესტაფონის საავტომობილო გზაზე მისაბმელიანი და ნახევრადმისაბმელიანი ტრანსპორტის მოძრაობა აკრძალულია. ჩაკეტილია კოდა–ფარცხისი–მანგლისი–წალკა–ნინოწმინდის გზაც. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.