ევროკომისიის მე-4 რეკომენდაცია

ოპოზიციის ნაწილის ბოიკოტის მიუხედავად, მმართველი პარტია საკუთარი სამოქმედო გეგმის განხილვას მაინც არ წყვეტს. პარლამენტში მორიგი სამუშაო ჯგუფის შეხვედრა ევროკომისიის მეოთხე პუნქტის განხილვას მიეძღვნა. საქმე ეხება რეკომენდაციას, რომელიც სპეციალური საგამოძიებო და პერსონალურ მონაცემთა სამსახურების გაძლიერებას გულისხმობს. ორივე სამსახური სახელმწიფო ინსპექტორის სამსახურის გაუქმების შემდეგ ჩამოყალიბდა და თავის დროზე პარლამენტში შესაბამისი კანონპროექტის განხილვამ საკმაოდ დიდი ვნებათაღელვის ფონზე ჩაიარა. დაფინანსების გაზრდა და ინფრასტრუქტურის მოწყობა ის მექანიზმებია, რომლებსაც „ქართული ოცნება“ ცოტა ხნის წინ შექმნილი სამსახურების გასაძლიერებლად გეგმავს. ხელისუფლების წარმომადგენლები კონკრეტულ წინადადებებს მომდევნო შეხვედრაზე წარადგენენ.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.