უკრაინაში შეტაკებებს ხუთი ქართველი მებრძოლი ემსხვერპლა

უკრაინაში კიდევ ხუთი ქართველი მებრძოლი დაიღუპა. ავთო რურუა, რომეო კვარაცხელია, რომეო ფიჩხაია, მერაბ ალადაშვილი და ბადრი მარკელია რუსული საოკუპაციო ძალების წინააღმდეგ ბახმუტში იბრძოდნენ. უკრაინაში საქართველოს ელჩის განცხადებით, დაღუპული მეომრების გადმოსვენებისთვის საჭირო პროცედურები უკვე დაწყებულია. 8 დეკემბერს ჩამოასვენებენ კიდევ ერთ ქართველ მებრძოლს, ჯაბა ხოფერიას. დაღუპულების უმრავლესობა გამოცდილი მეომარი იყო და ისინი აფხაზეთის ომშიც იბრძოდნენ. ქართველი მებრძოლების დაღუპვის გამო, მწუხარებას გამოთქვამს საქართველოს პრეზიდენტი. „ამ მძიმე წუთებში, ვუსამძიმრებ უკრაინაში დაღუპული ყველა ქართველი მებრძოლის ოჯახებს, მეგობრებსა და ახლობლებს“, – ნათქვამია სალომე ზურაბიშვილის სამძიმრის წერილში. ცნობისთვის, 24 თებერვლიდან დღემდე უკრაინაში რუსეთის ომს 33 მებრძოლის სიცოცხლე შეეწირა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/1stchannel.1... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.