მთავრობის ანტიკრიზისული გეგმა

მთავრობის ანტიკრიზისული გეგმა ცნობილია. კორონავირუსის პანდემიის გამო, სამსახურის გარეშე დარჩენილი მოქალაქეები, თვითდასაქმებულები, სოციალურად დაუცველები და მოწყვლადი ჯგუფები - ეს ის კატეგორიებია, რომლებიც სახელმწიფოსგან შექმნილ კრიზისულ სიტუაციაში ფინანსურ დახმარებას მიიღებენ. გაირკვა, რომ ექვსი თვის განმავლობაში 1 200 ლარი გაიცემა იმ მოქალაქეებზე, რომლებმაც პანდემიის გამო, სამსახური დაკარგეს ან უხელფასო შვებულებაში იმყოფებიან. ჯამში საუბარია 350 000-მდე ადამიანზე. ერთჯერადი დახმარება გათვალისწინებულია თვითდასაქმებულებისთვის, თუმცა, გარკვეული პირობების დაცვით. სოციალური დახმარების ანტიკრიზისული გეგმა საშემოსავლო გადასახადებისგან გარკვეული კომპანიებისა და დასაქმებულ პირთა რამდენიმე კატეგორიის გათავისუფლებასაც გულისხმობს. წარმოდგენილია კიდევ ერთი - ბიზნესის დახმარების გეგმა, რომელიც რამდენიმე მიმართულებას მოიცავს. საერთო ჯამში, მთავრობა ანტიკრიზისული გეგმებისთვის 3 მილიარდ 500 მილიონი დოლარის დახარჯვას აანონსებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.