ბრიფინგი „ნაციონალური მოძრაობის“ ოფისში

ბათუმის საკრებულოს არჩეული დეპუტატები „ნაციონალური მოძრაობიდან“ ირწმუნებიან, რომ „ქართული ოცნება“ ზეწოლისა და შანტაჟის გზით საკრებულოს ოპოზიციური პარტიების წევრების გადაბირებას ცდილობს. მათი განცხადებით, ამაში აჭარის მთავრობის თავმჯდომარის მამა, დავით რიჟვაძეა ჩართული. განცხადება დღეს „ნაციონალური მოძრაობის“ ოფისში გიორგი კირთაძემ გააკეთა. ის არ საუბრობს კონკრეტულ მაგალითებზე, თუმცა აცხადებს, რომ ფაქტის განმეორების შემთხვევაში, დოკუმენტურ მასალას გამოაქვეყნებს. კირთაძე მოუწოდებს „ლელოსა“ და გახარიას პარტიის წარმომადგენლებს, დროულად დაიწყონ მოლაპარაკებები, იმისთვის, რომ მყარი უმრავლესობა ბათუმის საკრებულოში სწრაფად ჩამოყალიბდეს. „ქართულ ოცნებაში“ აცხადებენ, რომ მათ არავის გადაბირება არ სჭირდებათ. ირაკლი ჭეიშვილი ამბობს, რომ პროცესი გამჭვირვალეა და „ქართული ოცნება“ „ნაციონალური მოძრაობის“ გარდა, სხვა ყველა პარტიასთან დიალოგს გააგრძელებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.