გამოძიება უცხო ქვეყნისთვის ტერიტორიის გადაცემის საქმეზე

პროკურატურა ჯერ დუმს, თუმცა ცოტა ხნის წინ აღძრულ სისხლის სამართლის საქმეში ახალი გარემოებები ხდება ცნობილი. დღეს გაჩხრიკეს იმ ორი ადამიანის სახლები და ოფისები, რომლებიც 2006-2007 წლებში საქართველო-აზერბაიჯანის სახელმწიფო საზღვრების დამდგენ სამთავრობო კომისიაში მუშაობდნენ. სავარაუდოდ, სწორედ ამ პერიოდში მოქმედ კომისიას ედავება გამოძიება საქართველოს ინტერესების საზიანო შეთანხმებას. ქვეყნის პირველი დიპლომატი ადასტურებს, რომ მოპოვებულია საზღვრების დელიმიტაცია-დემარკაციასთან დაკავშირებული მნიშვნელოვანი კარტოგრაფიული მასალები. არაოფიციალური ინფორმაციით, საუბარია 1938 წლით დათარიღებული რუქის ორიგინალზე, რომელთა საფუძველზე წინა ხელისუფლების დროს ორ ქვეყანას შორის დადგენილი და შეთანხმებული საზღვრები შესაძლოა გადაიხედოს. სავარაუდოდ, იგულისხმება ის ტერიტორიაც, რომელზეც დავით გარეჯის სამონასტრო კომპლექსის სადავო ნაწილია მოქცეული. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.