ომის 225-ე დღე უკრაინაში

რუსეთი უკრაინაში დაკავებული ტერიტორიების შენარჩუნებას ცდილობს. უკრაინის გენერალური შტაბის ინფორმაციით, არ წყდება შეტევითი იერიშები ბახმუტისა და ავდეევკის მიმართულებით, სადაც უკრაინულმა ძალებმა თავდასხმები მოიგერიეს. დიდი ზიანი მიადგა მოწინააღმდეგეს ხერხონის მიმართულებით, სადაც ახლა რუსები დაჭრილებისა და ტექნიკის ევაკუაციას ცდილობენ მდინარე დნეპრის გადასწვრივ. ვისოლოესა და კახოვკის ჰიდროელექტროსადგურის მიმდებარედ, გადაყვანილია 150-მდე დაჭრილი რუსი სამხედრო და 50 ერთეული ტექნიკა. გასულ დღე-ღამეში, რუსული სარაკეტო და საარტილერიო დარტყმების შედეგად, 20-ზე მეტი დასახლებული პუნქტი დაზარალდა. მათ შორის ბელაია ცერკოვი, სევერსკი და კრივოი როგი. რუსეთმა ხარკოვს ირანული „კამიკაძე“ დრონებით შეუტია, ტერიტორიაზე ხანძარი გაჩნდა. ამ ეტაპზე დაშავებულების შესახებ ინფორმაცია არ ვრცელდება. ომის შესწავლის ამერიკული ინსტიტუტის მონაცემებით, უკრაინული ძალების შეტევა ქვეყნის ჩრდილო-აღმოსავლეთით ჯერ დასრულებისგან შორსაა და შესაძლოა, ლუგანსკის ოლქში ტერიტორიების გათავისუფლებით გაგრძელდეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.