ინტოქსიკაციის შემთხვევები ოზურგეთში

ოზურგეთის მუნიციპალიტეტის საბავშვო ბაღების 80-მდე აღსაზრდელს მოწამვლისთვის დამახასიათებელი სიმპტომები აღენიშნება. წინასწარი ინფორმაციით, საუბარია კვებით ინტოქსიკაციაზე. აღნიშნულ ინფორმაციას ადასტურებს სკოლამდელი აღზრდის დაწესებულებების გაერთიანება. ხელმძღვანელის, მაკა ჭყონიას განცხადებით, სააღმზრდელო პროცესი ოზურგეთის ბაღებში, ნაცვლად პირველი ოქტომბრისა, კოვიდინფექციის გამო, 15 ოქტომბერს განახლდა და აღსაზრდელებს მეორე დღეს მოწამვლისთვის დამახასიათებელი სიმპტომები გამოუვლინდათ, რის გამოც, ოზურგეთის მუნიციპალიტეტის ბაღებში სასწავლო პროცესი შეწყდა. მერიის ინფორმაციით, სანამ შესაბამისი სამსახურები აღნიშნული ფაქტის გამომწვევ მიზეზს არ დაადგენენ, საბავშვო ბაღებში სააღმზრდელო პროცესი არ განახლდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.