სტრასბურგის სასამართლოს გადაწყვეტილება

ცემის შედეგად ხერხემლის დაზიანება, საშხაპე ოთახში ხელკეტებით ფიზიკური ძალადობა გონების დაკარგვამდე, მორგში მილზე მიერთება - 12 წლის წინ ქართულ ციხეში გამოყენებული სასტიკი წამების ამ მეთოდებს სტრასბურგის სასამართლო საკუთარ ახალ გადაწყვეტილებაში აღწერს. 2011 წელს ქურდობის ბრალდებით დაკავებული აკაკი ოჩიგავა, რომელიც საპატიმრომ შეზღუდული შესაძლებლობის მქონე ადამიანად აქცია, ადამიანის უფლებათა ევროპულმა სასამართლომ დაზარალებულად სცნო, მის მიმართ 2011-12 წლებში ჩადენილი ქმედებები კი წამებად მიიჩნია. მეტიც, გადაწყვეტილებაში ვკითხულობთ, რომ პატიმართა მიმართ არასათანადო მოპყრობას და წამებას მითითებულ პერიოდში სისტემური ხასიათი ჰქონდა. ოჩიგავას საქმის განხილვის დასრულების შემდეგ არაეფექტური გამოძიების ჩატარების გამო სტრასბურგის სასამართლოს პრეტენზია აქვს საგამოძიებო უწყებების მიმართაც. ციხის ადმინისტრაციის თანამშრომლები, რომლებსაც ოჩიგავა სასტიკ მოპყრობაში ადანაშაულებდა, სისხლის სამართლებრივ პასუხისგებაში მხოლოდ 2017 წელს მიეცნენ.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.