დასრულდება თუ არა მიხეილ კალანდიას დაკავებით ხორავას ქუჩის საქმეზე საგამოძიებო მოქმედებები

04.06.2019 08:06

Tv Kavkasia

არხი

(ახალი ამბები 04.06.2019) დავით სარალიძის მკვლელობიდან წელიწად ნახევრის შემდეგ, ჯგუფურად დამამძიმებელ გარემოებებში ჩადენილი მკვლელობის ბრალდებით დღეს მიხეილ კალანდია დააკავეს. შინაგან საქმეთა სამინისტროს ინფორმაციით, ხორავას ქუჩის საქმეზე პირველი ინსტანციის სასამართლოს მიერ განაჩენის გამოტანის შემდეგ, უწყებამ მტკიცებულებები მოიპოვა, რომლებმაც მკვლელობაში კალანდიას თანამონაწილეობის საფუძვლიანი ეჭვი გაამყარა. სააპელაციო სასამართლოს გუშინდელმა გადაწყვეტილებამ კი , რომელშიც ნათვამია, რომ მკვლელობაში უკვე დაკავებული გ.ჯ-ს გარდა სხვა პირიც მონაწილეობდა, გამოძიება დაარწმუნა, რომ დავით სარალიძის მკვლელობაში კიდევ ერთი დამნაშავე სწორედ კალანდიაა. დასრულებულია თუ არა მიხეილ კალანდიას დაკავებით, გახმაურებულ საქმეზე ხელმეორედ დაწყებული საგამოძიებო მოქმედებებიდა დადგება თუ არა ხორავას ქუჩის საქმის გამყალბებელ მოხელეთა პასუხისმგებლობის საკითხი. გამოიწერეთ ჩვენი არხი და იყავით აქტუალური მოვლენების ეპიცენტრში: https://goo.gl/anfTFi

გაზიარება: