უკრაინაში დაღუპული მებრძოლის, რატი შურღაიას პანაშვიდი იმართება

რუსეთ-უკრაინის ომში დაღუპული ქართველი მებრძოლი, რატი შურღაია სამშობლოში ჩამოასვენეს. მეომრისთვის პატივის მისაგებად დილით მოქალაქეები თბილისის საერთაშორისო აეროპორტში შეიკრიბნენ. რატი შურღაიას საოკუპაციო ძალებთან ბრძოლის დროს მიღებული მძიმე დაზიანებების გამო, ორჯერ განუვითარდა კანტუზია. უკრაინაში მყოფი ქართველი მებრძოლების ინფორმაციით, შურღაიამ მკურნალობის კურსი ბოლომდე არ დაასრულა და კვლავ ფრონტის წინა ხაზზე წავიდა, რის გამოც, მისი ჯანმრთელობის მდგომარეობა გართულდა. დაღუპული ქართველი მებრძოლის სამოქალაქო პანაშვიდი ქაშვეთის ეკლესიაში მიმდინარეობს. დღეს საღამოს მას საკუთარ საცხოვრებელ სახლში გადაასვენებენ. რატი შურღაიას საგვარეულო სასაფლაოზე სამხედრო პატივით სამშაბათს დაკრძალავენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.