მძღოლები ჯარიმებზე საურავების შემცირებას აფასებენ

16.04.2014 02:00

ტელეკომპანია თანამგზავრი

არხი

ადმინისტრაციულ ჯარიმებზე საურავები მცირდება. ეს ინიციატივა შინაგან საქმეთა მინისტრმა მთავრობის სხდომაზე უკვე გაიტანა. ადმინისტრაციულ კოდექსში შესატანი ცვლილებების მიხედვით, თუ პირი არ გადაიხდის ჯარიმას, მას დაეკისრება საურავი ორმაგი ოდენობით, მაგრამ არაუმეტეს 500 ლარისა. მოქმედი კანონმდებლობით კი, მოქალაქე დადგენილი 30 დღის ვადაში თუ ვერ გადაიხდის მასზე დაკისრებულ ჯარიმას, 100 ლარამდე ჯარიმის შემთხვევაში, ერიცხება 150 ლარი, ხოლო 100 ლარე მეტი ოდენობის ჯარიმის შემთხვევაში, -500 ლარის ოდენობით. კიდევ ერთი ცვლილება ეხება ჯარიმის, ან საურავის გადაუხდელობის გამო ჩამორთმეული მართვის უფლების აღდგენის ახალ მექანიზმს. თუ ჯარიმის ოდენობა არ აღემატება 100 ლარს და სამართალდამრღვევი გადაიხდის დაკისრებული ჯარიმისა და საურავის ორმაგ ოდენობას, სამართალდამრღვევს აღუდგება ჯარიმისა და საურავის გადაუხდელობისთვის ჩამორთმეული მართვის უფლება. ვებ-გვერდზე გადასვლა: http://bit.ly/1ePFbwq

გაზიარება: