გია ბუღაძე. ტელა. ტრანსლოკაციური ძეგლები თბილისში. Radio Melomen

პროექტი "ტრანსლოკაციური ძეგლების იდეა თბილისში". საუბრობენ: პროექტის ავტორი ალექსანდრა მაცაცო გაბუნია, მონაწილე მხატვრები: გია ბუღაძე (ობიექტი - "ხილტანკი"), როკო ირემაშვილი (სკულპტურა - "ურბანული ხმები") და არქიტექტორი ალექსანდრე სანდრო ჩუბინიძე (ინსტალაცია - დარღვეული გეომეტრიის რესტავრაცია). პროექტი „ტრანსლოკაციური ძეგლები თბილისში“ წარმოადგენს საგამოფენო ინიციატივას, რომელიც სამთვეში ერთხელ მხატვრი-ავტორების ნამუშევრების გამოფენას ითვალისწინებს თბილისის ურბანულ სივრცეში. სამწუხაროდ, ჩვენთან დღეს ქანდაკების ხელოვნება საბჭოთა წარსულის პირდაპირპროპორციულია. სხვა გამოცდილება უბრალოდ, არ გვქონია. მონუმენტური სკულპტურა საქართველოში იდეოლოგიური ხელოვნების ფორმირების პარალელურად ჩამოყალიბდა. ნებისმიერი ახალი ეტაპი მოწოდებულია იმისთვის, რომ თავის კულტურულ სივრცეში თავისი იდეის და რაობის მონუმენტი დადგას. ტოტალიტარული რეჟიმებისთვის განსაკუთრებულად სახარბიელო აღმოჩნდა მონუმენტებით აზროვნება, უფრო ზუსტად, მონუმენტებით დიქტატი. დაე, განთავისუფლდეს თბილისი ამგვარი აზროვნებისგან. გია ბუღაძის გადაცემა 'ტელა' სამხატვრო აკადემიის რადიო მელომანზე ყოველ ორშაბათს - ოთხშაბათს - პარასკევს 13:00 at http://art.edu.ge. აევე, უსმინეთ სტრიმიდან : http://31.146.9.55:8000/livemp3.m3u