სარჩელი პროკურატურაში

ე.წ. ჯარისკაცების საქმეზე მსჯავრდადებული გოგიტა ბიჩელაშვილის ადვოკატმა პროკურატურაში საჩივარი შეიტანა. ფრიდონ სუხიაშვილის განცხადებით, საქმის არსებითი განხილვის ეტაპზე მტკიცებულებების გამოკვლევის დროს, გამოიკვეთა სხვა პირის ბრალეულობაც. მისი განმარტებით, აღნიშნული პირები საქმეში ფიგურანტების ზემდგომი პირები არიან და აღნიშნულის დამდასტურებელი ჩანაწერებიც არსებობს. შეგახსენებთ, საქმეზე თბილისის საქალაქო სასამართლომ ორივე პირი დამნაშავედ ცნო, რომელთაც 5 და 6 წლით თავისუფლების აღკვეთა შეეფარდათ. გამოძიების ინფორმაციით, საქმეში ფიგურანტი ორივე პირი, სამხედრო წვევამდელებს აიძულებდნენ, რომ სპეციალური მძიმე ეკიპირებით ათეულობით საათის განმავლობაში სამხედრო ბაზის ტერიტორიაზე სხვადასხვა ობიექტი დაელაგებინათ. საუბარია ექვს ეპიზოდზე. დაზარალებულად ცნობილია ოთხი სამხედრო წვევამდელი. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.