ომი უკრაინაში - 438-ე დღე

რუსეთის მიერ ანექსირებულ ყირიმში აცხადებენ, რომ ნახევარკუნძულს უპილოტო საფრენი აპარატებით დაესხნენ თავს. როგორც ყირიმის საოკუპაციო რეჟიმის წარმომადგენლები ამტკიცებენ, სულ თავდასხმაში 10 უპილოტო აპარატი მონაწილეობდა. მათივე ინფორმაციით, ერთი მათგანი სევასტოპოლის თავზეა ჩამოგდებული, კიდევ ორი ზღვაში ჩავარდა, ერთი მათგანი კი ტყის მასივშია ნაპოვნი. პარალელურად, უკრაინის ხელისუფლება ავრცელებს ცნობებს, რომ რუსეთმა სარაკეტო დარტყმა იზიუმის ოლქის ქალაქ ბალაკლეაზე მიიტანა. შედეგად დაჭრილია 5 ადამიანი. სარაკეტო დარტყმა განხორციელდა ნიკოლაევის ოლქზეც. დაზიანდა ერთ-ერთი საწარმო. უკრაინის გენშტაბის ცნობით, ბოლო 24 საათში, დონბასში მოგერიებულია რუსეთის არმიის 50 შეტევა, ხოლო კიევის თავზე სადაზვერვო უპილოტო აპარატი ჩამოაგდეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.