რა? სად? როდის?

ინტელექტუალური თამაში ,,რა? სად? როდის? " 2013 წლის 13 აპრილს ქ.მარნეულში, სპორტკომპლექს „ათა-ჰოლდინგში" ჩატარდა საქართველოს ზოგადსაგანმანათლებლო სკოლების ჩემპიონატი ინტელექტუალურ თამაშში "რა? სად? როდის?", სადაც მონაწილეობა მიიღეს მარნეულის 9 სკოლის გუნდმა: v წერეთლის საჯარო სკოლა v მარნეულის №6 საჯარო სკოლა v შულავერის №1 საჯარო სკოლა v ორჯონიკიძის საჯარო სკოლა v მარნეულის №5 საჯარო სკოლა v მარადისის საჯარო სკოლა v ახალი დიოკნისის საჯარო სკოლა v მარნეულის №8 საჯარო სკოლა v ხიხანის საჯარო სკოლა პროექტის პირველი ტური გაიმართა საქართველოს ყველა მუნიციპალიტეტში ერთდროულად და დასმული იყო 24 კითხვა. მარნეულის მუნიციპალიტეტში თამაში დასრულდა ფრედ მარნეულის №6 და №5 საჯარო სკოლებს შორის, რის შედეგადაც, თამაშის წესების თანახმად დაინიშნა პენალტების სერია ამ ორ სკოლას შორის, რომელიც ასევე ფრედ დასრულდა. სწორედ ამიტომ, პროექტის მეორე ეტაპისათვის მარნეულის №6 და №5 საჯარო სკოლები გააერთიანებენ თავის გუნდებს და შეიქმნება ერთი 6 კაციანი გუნდი, რომელიც მარნეულის სახელით მიიღებს მონაწილეობას უკვე საქართველოს ჩემპიონატში. პროექტის მეორე ტური გაიმართება ქ.თბილისში 11 მაისს, სასტუმრო „შერატონ მეტეხი პალასში", სადაც შეიკრიბებიან საქართვეოს 69 მუნიციპალიტეტის გამარჯვებული გუნდები და გამოვლინდება ქვეყნის სასკოლო ჩემპიონი გუნდი. ფინალში მოსწავლეები 36 შეკითხვას უპასუხებენ. პრიზიორები დაჯილდოვდებიან პრიზებითა და დიპლომებით. წაიკითხე სრულად: http://marneulisya.ge/index.php?optio...