შინაგან საქმეთა სამინისტრომ პოლიციელის პროფესიული დღე აღნიშნა

2 ივნისს შინაგან საქმეთა სამინისტრომ პოლიციელის პროფესიული დღე თბილისში აღნიშნა. საზეიმო ღონისძიებას დაესწრნენ: საქართველოს პრემიერ-მინისტრი გიორგი კვირიკაშვილი, საქართველოს მთავრობისა და პარლამენტის წევრები, საქართველოში აკრედიტებული დიპლომატიური კორპუსის წარმომადგენლები, მოწვეული სტუმრები: ლიტვის, მოლდოვისა და ბელორუსის შინაგან საქმეთა მინისტრები, ასევე, სხვა ქვეყნების ოფიციალური პირები. შინაგან საქმეთა მინისტრმა გიორგი მღებრიშვილმა ღონისძიება მისასალმებელი სიტყვით გახსნა. შს მინისტრმა სამართალდამცველებს პროფესიული დღე მიულოცა და წარმატებები უსურვა. გიორგი მღებრიშვილმა წუთიერი დუმილით პატივი მიაგო სამსახურებრივი მოვალეობის შესრულების დროს დაღუპული პოლიციელების ხსოვნას. „დღეს, როგორც არასდროს, მნიშვნელოვანია, რომ ვიდგეთ ერთად და ჩვენი მისიის კეთილსინდისიერად შესრულებით, ჩვენი თავდადებით ხელი შევუწყოთ საქართველოს სტაბილურობასა და განვითარებას. ჩვენ გამოვუცხადეთ უკომპრომისო ბრძოლა კრიმინალს და ამ ბრძოლაში თითოეული თქვენგანის სულისკვეთებას გადამწყვეტი მნიშვნელობა აქვს. სიახლის სრულად სანახავად გადადით შემდეგ ბმულზე: http://gov.ge/s/fc8ca