ომის 178-ე დღე უკრაინაში

უკრაინის სხვადასხვა რეგიონში სროლის და აფეთქების ხმა ამ წუთებშიც ისმის. განსაკუთრებული ყურადღება ახლა რუსეთის მიერ ანექსირებული ყირიმისკენაა მიპყრობილი. ქალაქ სევასტოპოლში, შავი ზღვის ფლოტის შტაბბინაზე დრონით თავდასხმა განხორციელდა. სევასტოპოლის ე.წ. გუბერნატორი ამბობს, რომ მომხდარის შედეგად არავინ დაღუპულა. იერიშთან დაკავშირებით, უკრაინაში ოფიციალური კომენტარი ჯერ არ გაკეთებულა. ოკუპირებული ყირიმის ქალაქებში, ევპატორიასა და ბახჩისარაიში რამდენიმე ძლიერი აფეთქება მოხდა. საოკუპაციო მთავრობის ხელმძღვანელის განცხადებით, ქალაქებში რუსეთის საჰაერო თავდაცვითი სისტემა ამოქმედდა. რუსმა ოკუპანტებმა რამდენიმე საათის წინ მიკოლაევში მრავალსართულიან საცხოვრებელ სახლზე იერიში განახორციელეს. ბოლო მონაცემებით, დაშავებულია ცხრა მშვიდობიანი მოქალაქე, მათგან ოთხი ბავშვია, ერთს კი, ამ წუთებში ოპერაცია უტარდება.ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.