სამაშველო ოპერაცია თეთნულდზე

მწვერვალ თეთნულდზე სამაშველო ოპერაცია დასრულდა. გარდაცვლილია უცხოელი ტურისტი. ის ნაპრალში ჩავარდა და მის ამოსაყვანად სამაშველო ოპერაცია რამდენიმე საათის განმავლობაში მიმდინარეობდა. ცხედარი უკვე მესტიაში გადაასვენეს. რაც შეეხება ექსპედიციის მონაწილე კიდევ ხუთ ტურისტს, ორი მათგანი დაშავებულია, დანარჩენი სამის მდგომარეობა კი დამაკმაყოფილებელია. დაშავებულები კლინიკაში მოათავსეს. საერთაშორისო დაკვირვებისა და ძებნის ცენტრში SOS-შეტყობინება გუშინ შევიდა. მალევე, ტურისტების დახმარების მიზნით, მოხდა ძალების მობილიზება, დადგინდა ლოკაცია და მაშველთა ჯგუფი მწვერვალისკენ ფეხით გაემართა. რამდენიმე საათის წინ სამაშველო ოპერაციაში ვერტმფრენიც ჩაერთო. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.