განათლების სამინისტრო სოციალურად დაუცველ ბაკალავრებს და მაგისტრანტებს დააფინანსებს
09/19/2014
ტელეკომპანია თანამგზავრი-ის
მიერ
2014-2015 სასწავლო წელს განათლებისა და მეცნიერების სამინისტრო, სოციალური პროგრამის ფარგლებში, აკრედიტებულ საგანმანათლებლო პროგრამებზე ჩარიცხულ ბაკალავრებს და მაგისტრანტებს დააფინანსებს. ჯამში ბაკალავრებისთვის 2 520 000 ლარი, ხოლო მაგისტრანტებისთვის 205 000 ლარია გამოყოფილი. მაგისტრატურაში დაფინანსების მოპოვების შესაძლებლობა აქვთ: საქართველოს ტერიტორიული მთლიანობისათვის ბრძოლებში დაღუპულთა შვილებს: შეზღუდული შესაძლებლობის მქონე პირებს, სოციალურად დაუცველ მაგისტრანტებს, რომელთა ოჯახების სარეიტინგო ქულა ტოლი ან ნაკლებია 70 000-ზე. სოციალური პროგრამის ფარგლებში დაფინანსების მოსაპოვებლად, ბაკალავრებმა განცხადება, თანდართულ დოკუმენტებთან ერთად, საქართველოს განათლებისა და მეცნიერების სამინისტროში 2014 წლის 30 სექტემბრის ჩათვლით, ხოლო მაგისტრანტებმა 20 ოქტომბრის ჩათვლით უნდა წარადგინონ.
ვებ-გვერდზე გადასვლა:
http://bit.ly/1ukcO1n
ვებ-გვერდზე გადასვლა:
http://bit.ly/1ukcO1n
