დონალდ ტრამპმა თეთრი სახლი დატოვა

აშშ-ის 45-ე პრეზიდენტმა, დონალდ ტრამპმა და პირველმა ლედიმ თეთრი სახლის რეზიდენცია უკვე დატოვეს. ტრამპები მერილენდში, ენდრიუს სამხედრო ბაზაზე გაემგზავრნენ, სადაც დონალდ ტრამპს სამხედრო პატივი მიაგეს. პრეზიდენტმა მადლობა გადაუხადა ოჯახის წევრებსა და პირველ ლედის და ოთხი წლის განმავლობაში მიღწეულ წარმატებებზე ისაუბრა. იგეგმება მოკრძალებული გამოსამშვიდობებელი ცერემონიაც, რის შემდეგაც უკვე ექსპრეზიდენტი დონალდ ტრამპი, მეუღლესთან ერთად, ფლორიდაში, მარა-ლაგოს რეზიდენციაში გაემგზავრება. დონალდ ტრამპი პირველი პრეზიდენტია, რომელიც 150-წლიან ტრადიციას არღვევს და მისი მომდევნო პრეზიდენტის ინაუგურაციის ცერემონიას არ ესწრება, რაც ხელისუფლების მშვიდობიანად გადაბარების ერთგვარ სიმბოლოდ აღიქმება. დონალდ ტრამპი საპრეზიდენტო არჩევნებს გაყალბებულად მიიჩნევს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.