გიორგი გაბუნიას დაზარალებულის სტატუსი მიანიჭეს

საქართველოს კონტრტერორისტულ ცენტრში მიმდინარე გამოძიების ფარგლებში, 13 ივნისს, ყალბი ოფიციალური დოკუმენტის უკანონოდ შეძენის და გამოყენების ბრალდებით ვასამბეკ ბოკოვის სახელით დაკავებულ პირს ბრალი დაუმძიმდა. ჟურნალისტ გიორგი გაბუნიას კი საქმესთან დაკავშირებით, დაზარალებულის სტატუსი მიენიჭა.  გამოძიების ინფორმაციით, ყალბი ოფიციალური დოკუმენტის უკანონოდ შეძენის და გამოყენების ბრალდებით დაკავებული პირი რუსეთის მოქალაქე, მაგომედ გუციევია, რომელმაც ვასამბეკ ბოკოვის სახელზე გაცემული ყალბი პასპორტის გამოყენებით, არაერთხელ უკანონოდ გადაკვეთა საქართველოს სახელმწიფო საზღვარი. კონტრტერორისტული ცენტრის ინფორმაციით, ის სისტემატურად ახორციელებდა ტელეკომპანია „მთავარი არხის“ ჟურნალისტის, გიორგი გაბუნიას უკანონო თვალთვალს. პროკურატურის ინფორმაციით, შესაძლო მკვლელობის მომზადების საქმეზე გამოძიება გრძელდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.