"ბექა კრიმინალი არ არის" - საპროტესტო აქცია თბილისში

თბილისში დაიწყო საპროტესტო აქცია და მსვლელობა, რომლითაც მონაწილეები მხარს უჭერენ ბექა წიქარიშვილის, რომელსაც 7-დან 14 წლამდე პატიმრობა ემუქრება მარიხუანას შეძენა-შენახვისთვის. მონაწილეები ასევე აპროტესტებენ ნარკოპოლიტიკას ქვეყანაში. აქცის მონაწილეები 15.00 საათზე შეიკრიბნენ უნივერსიტეტის (თსუ) 1 კორპუსის ეზოსთან. ისინი მსვლელობას გეგმავენ პარლამენტის ყოფილი შენობამდე. აქციის ორგანიზატორებმა 30 ოქტომბერს მანიფესტი გამოაქვეყნეს. "მოცემული კანონი არ ანსხვავებს და ერთნაირად სჯის მომხმარებელსა და გამსაღებელს. ჩვენ, საქართველოს მოქალაქეები, ვაპროტესტებთ სამართლის უსამართლო პრინციპებს და კი არ ვითხოვთ, არამედ კატეგორიულად მოვითხოვთ ძალადობრივი ნარკოპოლიტიკის შეწყვეტას და იმ თავისუფლების უზრუნველყოფას, რომელიც ყველა ჩვენგანს ეკუთვნის!", - წერია მანიფესტში. აქცია ინტერნეტში ბექა წიქარიშვილის მხარდასაჭერად 23 მაისს დაიწყო. facebook -ზე ამ კამპანიისთვის შექმნილი გვერდი "ბექა კრიმინალი არ არის"31 მაისს უკვე 5448 ადამიანს მოსწონს. ამ პერიოდის განმავლობაში მოქალაქეები იღებდნენ ფოტოებს წარწერით "ბექა კრიმინალი არ არის", ასევე წერდნენ ვიდეომიმართვებს და აქვეყნებდნენ ამ გვერდზე. http://www.netgazeti.ge/GE/105/News/3...