სტალინის ბიუსტი ჯერემი კლარკსონის მანქანაზე

ავტომანქანაზე, რომლითაც ცნობილი ბრიტანელი წამყვანი ჯერემი კლარკსონი თანაწამყვანებთან ერთად ხურვალეთისკენ მიემართებოდა, იოსებ სტალინის ბიუსტია დამაგრებული. ამის შესახებ პირველი არხის ჟურნალისტი ადგილიდან იუწყება. ჯერემი კლარკსონი თანაწამყვანებთან რიჩარდ ჰამონდთან და ჯეიმს მეისთან ერთად საოკუპაციო ხაზთან მისვლას გეგმავს. როგორც ჯერემი კლარკსონმა პირველ არხს განუცხადა, გუშინ ბათუმი და გორი დაათვალიერეს. კერძოდ, კლარკსონი ​გორში მდებარე სტალინის მუზეუმში იმყოფებოდა.​ კლარკსონის თქმით, მისი ჯგუფი მსოფლიოში ცნობილი დიქტატორების შესახებ სატელევიზიო მასალებს ამზადებს. ჯერემი კლარკსონი ცნობილი ტელეწამყვანია, რომელსაც ავტომოყვარულები გადაცემა Top Gear-ით იცნობენ. კლარკსონი BBC-ის გადაცემა Top Gear-ს ორ თანაწამყვანთან ერთად 2002 წლიდან 2015 წლამდე უძღვებოდა. მას შემდეგ, რაც კლარკსონი გადაცემიდან სკანდალურად გაუშვეს, მან, ჰამონდთან და მეისთან ერთად Amazon Video-სთვის ახალი პროექტი – The Grand Tour შექმნა, რომელშიც ის და მისი თანაწამყვანები მსოფლიოს გარშემო მოგზაურობენ. რამდენიმე წლის განმავლობაში გადაცემა Top Gear-ს ექსკლუზიურად პირველი არხი აჩვენებდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.