ვლადიმირ ზელენსკის ინაუგურაცია

ვლადიმირ ზელენსკი უკრაინის მეექვსე პრეზიდენტი ოფიციალურად გახდა. მან უკრიანის უმაღლეს რადაში პრეზიდენტის ფიცი უკვე დადო. საინაუგურაციო სიტყვის დროს, ვლადიმირ ზელენსკიმ მერვე მოწვევის რადას დათხოვნის შესახებ განაცხადა. მან ასევე მთავრობის წევრებს გადადგომისკენ მოუწოდა. ინაუგურაციის ოფიციალური ნაწილის დასრულებისთანავე თანამდებობა დატოვა უკრაინის თავდაცვის მინისტრმა სტეპან პოლტორაკმა. უმაღლეს რადაში უკრაინის პრეზიდენტის  ინაუგურაციის ცერემონიას ესწრებოდა საქართველოს პრეზიდენტი სალომე ზურაბიშვილი. ასევე უნგრეთისა და ბალტიის ქვეყნების პრეზიდენტები. ამას გარდა, რადას სხდომათა დარბაზში ხუთი ქვეყნის პრეზიდენტთან ერთად იმყოფებოდნენ უკრაინის ყოფილი პრეზიდენტები. 41 წლის ზელენსკი უკრაინის ისტორიაში ყველაზე ახალგაზრდა პრეზიდენტი გახდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.