ფონდი „იავნანა“ და გაერთიანებული ქართველი ვარსკვლავები ქველმოქმედების გარშემო

ფონდი „იავნანა“ 14 წლის განმავლობაში ქველმოქმედების სადარაჯოზე დგას. 3 მარტს ქართველი ვარსკვლავების ინიციატივითა და ხელოვანთა გაერთიანების ორგანიზებით, ფონდ „იავნანას“ მხარდასაჭერად გალა-კონცერტი გაიმართა. გალა-კონცერტის ორგანიზატორები თავად ის არტისტები იყვნენ, რომელთაც მიიღეს გადაწყვეტილება, რომ ამ კონცერტით თავიანთი მხარდაჭერა გამოეხატათ, როგორც ფონდ „იავნანას“, ასევე ქველმოქმედებისა და კულტურის იდეის მიმართ. კონცერტში არაერთი ცნობილი ქართველი ვარსკვლავი მონაწილეობდა. სპეციალურად ამ კონცერტისთვის მეტროპოლიტენ ოპერაში ტრიუმფის შემდეგ, ნიუ-იორკიდან აღიარებული ქართველი მეცო-სოპრანო ანიტა რაჭველიშვილი გვეწვია, ასევე გუნდს ამსტერდამიდან შემოუერთდა დირიჟორი ვახტანგ მაჭავარიანი. კონცერტში ასევე მონაწილეობა მიიღო ევგენი მიქელაძის სახელობის საქართველოს ეროვნულმა სიმფონიურმა ორკესტრმა ნიკოლოზ რაჭველის დირიჟორობით, რომელთაც კლასიკურ ნაწარმოებებთან ერთად მსმენელს რაჭველის ორიგინალური საავტორო ვერსიები შესთავაზეს. გარდა ამ ჩამონათვლისა 3 მარტს თბილისის დიდი საკონცერტო დარბაზის სცენაზე არაერთი ჩვენთვის საყვარელი ვარსკვლავები იდგნენ. შეგახსენებთ, რომ ვარსკვლავები ორი ორგანიზაციის „პირველი ნაბიჯის“ და „აუტიზმის საერთაშორისო ცენტრის დამაარსებელ“ მშობლების გვერდით გაერთიანდნენ. ________________________ Official Site - http://www.musicbox.ge/ MyVideo - http://www.myvideo.ge/?user_id=921478 Facebook -   / musicboxgeorgia   Twitter - https://twitter.com/#!/musicboxge #MusicBox #News #სიახლეები