ჰააგის სასამართლომ პუტინის დაკავების ორდერი გასცა

წარდგება თუ არა ვლადიმერ პუტინი ჰააგის ტრიბუნალის წინაშე და აგებს თუ არა პასუხს ჩადენილ დანაშაულებზე - ამაზე ზუსტი პასუხი ჯერ არავის აქვს, თუმცა, ჰააგის სასამართლოს გადაწყვეტილებით, ამის პერსპექტივა უკვე რეალური გახდა. სასამართლომ რუსეთის პრეზიდენტის დაკავების ორდერი გასცა, რაც ნიშნავს იმას, რომ კონკრეტული ნაბიჯი გადაიდგა ვლადიმერ პუტინის გასამართლების მიმართულებით. დანაშაულთა ჩამონათვალი ვრცელია, უკრაინაში წამოწყებული ომის გარდა, ერთ-ერთი მთავარი მტკიცებულება ბავშვების მიმართ ჩადენილ არაერთ დანაშაულს ეხება, მათ შორის არის უკანონო დეპორტაცია. მართალია, გაწერილი პროცედურების გათვალისწინებით, პუტინს აქვს საშუალება, თავი აარიდოს გასამართლებას. თუმცა, ექსპერტები ვარაუდობენ, რომ ჰააგის სასამართლოს გადაწყვეტილებამ ფსიქოლოგიურ დონეზე რუსეთ-დასავლეთის დაპირისპირებაში, შესაძლოა, სერიოზული გავლენა მოახდინოს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.