© https://mtisambebi.ge/ - 1 200 000 დოლარად შეფასებულ სასტუმრო Mountain Mestia-ს, მეპატრონე 700 ათასადაც ვეღარ ყიდის. არადა, 21 ნომრიანი სასტუმრო 2017 წელს გაიხსნა და პანდემიამდე სრული დატვირთვით მუშაობდა. უკვე ერთი წელია, Covid 19-ის პრევენციის საბაბით, ხელისუფლება ზემო სვანეთში სასტუმროებსა და სხვა ტურისტულ ობიექტებს მუშაობის უფლებას არ აძლევს. მესტიის მუნიციპალიტეტში ათასზე მეტი ადამიანი დარჩა უმუშევრად, 400-მდე საოჯახო სასტუმრო დაკეტილია. მთავრობამ უსამსახუროდ დარჩენილთა ნაწილს, დახმარების სახით, წლის განმავლობაში მხოლოდ ორჯერ დაურიცხა სამას-სამასი ლარი.
