ჩრდილოატლანტიკური საბჭოს ვიზიტი

მაღალი დონის ვიზიტი საქართველოში. ნატოს გენერალური მდივნის მოადგილე და ორგანიზაციის წევრი ქვეყნების ელჩები ბათუმში არიან. ჩრდილოატლანტიკური საბჭოს მასპინძლობის დროს ქვეყანამ რამდენიმე მნიშვნელოვანი გზავნილი მიიღო. ნატო შავი ზღვის რეგიონში რუსული სამხედრო გაძლიერებით შეშფოთებულია. იენს სტოლტენბერგის მოადგილემ მოსკოვს დღეს ბათუმიდან უთხრა, რომ ნატოში საქართველოს გაწევრიანების გადაწყვეტილება 2008 წლის ბუქარესტის სამიტზეა დაფუძნებული და რომ ნებისმიერი ქვეყანა საკუთარი უსაფრთხოების საკითხს თავად წყვეტს. ასეთი იყო როუზ გოტმიოლერის პასუხი „მოამბის“ ჟურნალისტის კითხვაზე, რომელიც რუსეთის მუქარის ფონზე ჩვენი ქვეყნის ალიანსში გაწევრიანების პერსპექტივას ეხებოდა. პრემიერთან შეხვედრის შემდეგ მედიისთვის გაკეთებულ ერთობლივ ბრიფინგზე ნატოს მაღალჩინოსანმა ხაზი გაუსვა, რომ ორგანიზაციას საქართველოსთან მუშაობა სურს და ალიანსი ევროინტეგრაციის პროცესში დახმარებისთვის მზადაა.  სალომე ქოქიაშვილი გვეტყვის, რა განცხადებებით დასრულდა ჩრდილოატლანტიკური საბჭოს ვიზიტის პირველი დღე. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.