რეზო აფხაზავა გურჯაანის ტექნოპარკის შესახებ

"დღეს, მთელი ცივილიზებული მსოფლიო, განვითარებული ქვეყნები თანხმდებიან იმაზე, რომ განათლება არის საკვანძო, ფუნდამენტური მიმართულება ქვეყნის და ზოგადად, მსოფლიოს განვითარებისთვის. უმრავლესობა ქვეყნებისა თავის ეკონომიკას სწორედ განათლებაზე აფუძნებს და ძალიან მნიშვნელოვანია, რომ საქართველომაც ფეხი აუბას ამ მოძრაობას და ამ მიმართულებით წავიდეთ. სამწუხაროდ, ამ მხრივ ჩვენ ბევრი გამოწვევა გვაქვს, როგორც ზოგადი განათლების, ისე პროფესიული და უმაღლესი განათლების მიმართულებით, ამიტომ ძალიან მნიშვნელოვანია, რომ თანმიმდევრული და სწორად გათვლილი ნაბიჯები გადავდგათ და განათლების პოლიტიკა არ იცვლებოდეს ყოველ წუთს. ამასთან, განათლების პოლიტიკის შემუშავებაში მაქსიმალურად უნდა იყვნენ ჩართული, როგორც დაინტერესებული მხარეები, საზოგადოება, ასევე ის ადამიანები, ვისზეც ვრცელდება ზოგადად ეს განათლების სერვისი სახელმწიფოსი. მნიშვნელოვანია ასევე, რომ გარდა ამ ფორმალური განათლებისა, ასევე არაფორმალური განათლება იყოს ხელშეწყობილი და განვითარებული. ახალგაზრდებს ჰქონდეთ მრავალი ალტერნატივა თავიანთი ნიჭის და შესაძლებლობების რეალიზებისთვის. ასევე იყოს სივრცეები, მაგალითად როგორც ეს სივრცეა, სადაც ადამიანებს შეეძლებათ იდეების რეალიზება ან უნარების განვითარება. ასეთი ტიპის ალტერნატივები, ადამიანებს აძლევს საშუალებას, რომ იპოვონ საკუთარი თავი და მერე მოახდინონ სულაც თავისი ინტერესების, თავისი იდეებისა და თავის შესაძლებლობების რეალიზება," - რეზო აფხაზავა. #იდეაქმნისმომავალს #GITA