ფოტოგრაფების საქმე

„ნაციონალური მოძრაობის“ პრეზიდენტობის კანდიდატს შვიდი წლის წინანდელ რეზონანსულ საქმეზე განმარტებების გაკეთება უწევს. წინა ხელისუფლების დროს ჯაშუშობის ბრალდებით გასამართლებული ფოტოგრაფი გიორგი აბდალაძე მის დაკავებაზე პასუხისმგებლობას გრიგოლ ვაშაძეს აკისრებს. მაშინ ვაშაძე საგარეო საქმეთა მინისტრის პოსტს იკავებდა, აბდალაძე კი უწყების ფოტოგრაფი იყო. ფოტოგრაფების სახელით ცნობილი საქმის ფიგურანტები ყოფილ მინისტრს 2011 წელს გაკეთებულ კომენტარსაც ახსენებენ, სადაც ის მძიმე დანაშაულში ბრალდებულთა წინააღმდეგ არსებულ მყარ მტკიცებულებებზე საუბრობდა. უკვე დღეს ვაშაძეს აბდალაძის გახსენება უჭირს. ჯაშუშობის გამოგონილი ბრალდებით ოთხი ფოტოგრაფის დაკავება ხელახალი ძიებით დადასტურდა. შვიდი წლის წინ გამოტანილი გამამტყუნებელი განაჩენი სააპელაციო სასამართლოშია გასაჩივრებული. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.