ვითარება უკრაინაში - ომის მეათე დღე უკრაინაში

ისევ სროლის ხმა ისმის დონეცკის რეგიონიდან საევაკუაციო მარშრუტზე, საიდანაც შეთანხმების მიხედვით, მშვიდობიან მოსახლეობას ტერიტორია უნდა დაეტოვებინა. საბრძოლო მოქმედებების გამო, მოქალაქეთა გაყვანის პროცესი შეჩერებულია. ინფორმაციას უკრაინული მედია ავრცელებს. განცხადებები გააკეთეს ვიცე-პრემიერმა და მარიუპოლის მერმაც. ადგილობრივები სამ ლოკაციაზე იყვენენ შეკრებილები, საიდანაც მწვანე დერეფანის საშუალებით, ზაპოროჟიესა და დნეპრის მიმართულებით უნდა გამგზავრებულიყვნენ, თუმცა მარიუპოლის საქალაქო საბჭოს ინფორმაციით, რუსული ჯარები ისევ განაგრძობენ ქალაქისა და მისი შემოგარენის დაბომბვას. ამასთან, უკრაინის ვიცე-პრემიერის ცნობით, ჰუმანიტარული ტვირთის გადასაზიდად დაწესებული დროებით ცეცხლის შეწყვეტის რეჟიმის მიუხედავად, რუსეთის ჯარებმა, ვოლნოვახის დაბომბვა მძიმე შეიარაღებით დაიწყეს. ახლა უკრაინის ხელისუფლება მოლაპარაკებებს აწარმოებს რუსულ მხარესთან, მარიუპოლიდან მშვიდობიანი მოსახლეობის ევაკუაციის მთელ მარშრუტზე დუმილის რეჟიმის დასადასტურებლად. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.