მედიკამენტების რეფერენტული ფასები

მედიკამენტების რეფერენტული ფასები უკვე ცნობილია - საუბარია 1 300-ზე მეტ ქრონიკული და ონკოლოგიური დაავადებების სამკურნალო პრეპარატზე. ჯანდაცვის სამინისტრომ ფასის ზედა ზღვარი დააწესა. აღნიშნულ ფასად ყიდვა შესაძლებელი უკვე 15 თებერვლიდან იქნება. სექტორს ერთი თვე აქვს იმისთვის, რომ მედიკამენტებზე ფასები შეამცირონ და ახალ სისტემაზე გადაეწყონ. ჯანდაცვის სამინისტრომ, შემოსავლების სამსახურთან ერთად, ელექტრონული ბაზა შეიმუშავა, რომლის მიხედვითაც, წამლის რეალიზაციის პროცესს მარეგულირებელი ონლაინრეჟიმში დააკვირდება. რეფერენტული ფასების დარღვევის შემთხვევაში, კომპანიებს სანქციები 15 მარტიდან დაეკისრება. საცალო აფთიაქი პირველ ეტაპზე გაფრთხილებას მიიღებს, განმეორების შემთხვევაში კი 5 000 ლარით დაჯარიმდება. რაც შეეხება საბითუმო რეალიზატორს, გაფრთხილების შემდეგ, დარღვევის განმეორების შემთხვევაში, 15 000-ლარიანი ჯარიმა განისაზღვრა, სამართალდარღვევის მესამედ ჩადენის შემთხვევაში კი სანქცია 30 000 ლარს შეადგენს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.