© https://mtisambebi.ge/ - ბაკურიანიდან ცხრაწყაროს უღელტეხილის გავლით, ჯავახეთის ზეგანზე, ტბაში შეჭრილ ნახევარკუნძულზე ბორჯომის რაიონის ბოლო სოფელი - ტაბაწყურია. ლურჯი ტბა, ხელუხლებელი ბუნება, გაშლილი სივრცეები და მთები საოცარ სანახაობას ქმნის. 14 წლის ირინა მარტიროსიანი ამ სოფლის ერთადერთი ადგილობრივი გიდია. ირინამ 5 ენა იცის. ის ტურისტებს კომუნიკაციაში ეხმარებოდა, შეგროვილი თანხით კი ინტერნეტის გადასახადს იხდიდა და ავადმყოფ დედას სიცოცხლის გასაგრძელებლად აუცილებელი მედიკამენტის შეძენაშიც ეხმარებოდა. წელიწადზე მეტია ირინას შემოსავალი საერთოდ აღარ აქვს.
