18 მაისი მუზეუმების საერთაშიროსო დღე / 19 მაისს მოდი ღამე მუზეუმში

საქართველოს კულტურისა და სპორტის სამინისტროს ინიციატივითა და მხარდაჭერით, მუზეუმების საერთაშორისო დღის ფარგლებში, 19 მაისს, საქართველოს თითქმის ყველა მუზეუმში აქცია - „ღამე მუზეუმში“ ჩატარდება (დასწრება თავისუფალია). წელსაც, დამთვალიერებლებისთვის ქვეყნის მასშტაბით მდებარე მუზეუმები ღამის 01 : 00 საათამდე ღია იქნება - ვიზიტორები თავად გახდებიან იმ კულტურული ღონისძიებების მონაწილენი, რომლებიც აქციის ფარგლებში ჩატარდება. ვინაიდან, 2018 წელს საქართველოს პირველი რესპუბლიკის 100 წლის იუბილე აღინიშნება, სამინისტროს ინიციატივით, წელს, აქციის ფარგლებში განსაკუთრებული ადგილი ეთმობა რესპუბლიკის 100 წლის საიუბილეო თემატიკას. მიმდინარე წელს, აქციაში მონაწილეობის სურვილი გამოთქვა ქვეყნის ყველა მუნიციპალიტეტმა. მუზეუმების მიერ წარმოდგენილი ღონისძიებების საფუძველზე მომზადდა - 18 მაისის (მუზეუმების საერთაშორისო დღე) და აქციის „ღამე მუზეუმში“ ღონისძიებების კალენდარი, რომელიც სამინისტროს ვებ-გვერდზეა განთავსებული ► http://gov.ge/s/28073 http://mcs.gov.ge