„მესამე ძალა - სტრატეგია აღმაშენებლის“ შეხვედრა დამკვირვებლებთან

„მესამე ძალა - სტრატეგია აღმაშენებლის“ ლიდერები ადგილობრივი და საერთაშორისო სადამკვირვებლო მისიების წარმომადგენლებს შეხვდნენ. ოპოზიციური პარტიის წარმომადგენლებმა დამკვირვებლებს საარჩევნო კამპანიის პერიოდში არსებულ დარღვევებზე მიაწოდეს ინფორმაცია. პარტიის წარმომადგენლების განცხადებით, სამტრედიაში „მესამე ძალის“ მაჟორიტარი დეპუტატობის კანდიდატს გატაცებით, მუქარითა და ზეწოლით კანდიდატურის მოხსნასთან დაკავშირებით, განცხადების დაწერა აიძულეს. „სტრატეგია აღმაშენებელი“ „ქართულ ოცნებას“ ადანაშაულებს. სადამკვირვებლო ორგანიზაციების წარმომადგენლების შეფასებით კი მსგავსი სავარაუდო დანაშაულებრივი ფაქტები სახიფათოა და ხელს უშლის არჩევნების მშვიდ გარემოში ჩატარებას. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.