მსოფლიო პატრიარქის მოწოდება ვაქცინაციისკენ

მსოფლიო მართლმადიდებელი პატრიარქი ბართლომე მოქალაქეებს „კოვიდ 19“-ის საწინააღმდეგო ვაქცინებით აცრისკენ მოუწოდებს. კონსტანტინოპოლის პატრიარქის განცხადებით, ზოგიერთი ადამიანის მიერ გამოხატული შიში „სრულად აბსურდული და უსამართლოა.“ „მე კიდევ ერთხელ მოვუწოდებ ყველას, აიცრან, რათა თავიდან იქნას აცილებული სერიოზული საფრთხეები, რაც მათ სიკვდილამდე მიიყვანს. ჩვენ, როგორც ეკლესია, როგორც რელიგია, განსაკუთრებით მსოფლიო საპატრიარქო, პატივს ვცემთ მეცნიერებას, მეცნიერების წარმომადგენლებს, მეცნიერების აღმოჩენებსა და მათ ჩვენს ცხოვრებას ვუსაბამებთ“ - განაცხადა პატრიარქმა ბართლომემ „მეგასთან“ ინტერვიუში. რაც შეეხება პანდემიის უარმყოფლებსა და ვაქცინების მოწინააღმდეგეებს, პატრიარქმა ბართლომემ თქვა, რომ „ისინი არ ფიქრობენ სწორად, არ ფიქრობენ ლოგიკურად და უსამართლოდ ექცევიან საკუთარ თავს და თავიანთ ახლობლებს, რადგან მათ შეუძლიათ კორონავირუსი გადასცენ თავიანთ თანამოძმეებს ამის გაცნობიერების გარეშე, რაც დიდი საფრთხეა.“ ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.