ვითარება გზებზე

ამინდის გაუარესების გამო, საავტომობილო გზების ცალკეულ მონაკვეთებზე მოძრაობის სპეციალური რეჟიმები მოქმედებს. ინტენსიური თოვის მიზეზით ყველა სახის ავტოტრანსპორტის გადადგილება დროებით შეზღუდულია: ბათუმი-ახალციხის კურორტ გოდერძი-უტყისუბნის მონაკვეთზე, ქუთაისი-ტყიბული-ამბროლაურის კოდა–ფარცხისი–მანგლისი–წალკა-ნინოწმინდის, ასევე ჟინვალი-ბარისახო-შატილის, ნიჩბისი-დიდგორისა და უშგული-ლასდილის მონაკვეთზე. მცხეთა–სტეფანწმინდა–ლარსის საავტომობილო გზის გუდაური-კობის მონაკვეთზე კი შეზღუდვები დაწესდა მისაბმელიანი და ნახევრადმისაბმელიანი ავტოტრანსპორტისთვის. მსგავსი აკრძალვა მოქმედებს ასევე გომი-საჩხერე-ჭიათურა-ზესტაფონისა და ჯვარი-ხაიშის მონაკვეთებზე. მსუბუქი ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით. საავტომობილო გზების დანარჩენ მონაკვეთებზე ავტოტრანსპორტის მოძრაობა თავისუფალია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/1stchannel.1tv.ge გამოიწერეთ ჩვენი არხი - https://www.youtube.com/user/GeorgianPB/ ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.