მკლავჭიდელები არჩევნებამდე აქციებს წყვეტენ

ქართველმა მკლავჭიდელებმა, რომლებიც მკლავჭიდის ფედერაციის პრეზიდენტის, სოსო ჯაჭვლიანის გადადგომას ითხოვენ, არჩევნების დასრულებამდე საპროტესტო აქციების შეჩერება გადაწყვიტეს. დღევანდელ პრესკონფერენციაზე მათ განაცხადეს, რომ მიზეზი პროტესტის პოლიტიკურ კალაპოტში გადაყვანის მცდელობაა, რასაც კატეგორიულად გაემიჯნენ. სპორტსმენების თქმით, აქციები არჩევნების შემდეგ გაგრძელდება. რამდენიმე დღის წინ ფედერაციის გამგეობის სხდომაზე მხარეებს შორის დაპირისპირება მოხდა, რის გამოც სხდომის ჩატარება ვერ მოხერხდა. ნაკრების მწვრთნელები და ვეტერანი მკლავჭიდელები გამგეობის წევრთა რაოდენობის გაზრდას, სოსო ჯაჭვლიანის გადადგომასა და ფედერაციაში ვადამდელი საპრეზიდენტო არჩევნების დანიშვნას ითხოვენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.