უცხოური: One Direction-ის გაერთიანება, დოკ. ფილმი ედ შირანზე, ნიკოლას ქეიჯი მიდის

* ხმები One Direction-ის შესაძლო გაერთიანების შესახებ ბოლო დროს ხშირად დადის, თუმცა ამ დღეებში ეს ინფორმაცია ლიამ პეინმა განამტკიცა, რომელიც Radio 1-ს სტუმრობდა: „მგონია, რომ რაღაც მომენტში აუცილებლად გავერთიანდებით. მომავალი გვიჩვენებს. ყველანი განვიხილავთ ამ იდეას. მინდა, რომ ამ ფაქტს გრანდიოზული შოუც კი მივუძღვნათ“, – აღიარა პეინმა. * კომპანია Apple-მა ედ შირანის შესახებ დოკუმენტური ფილმის რეალიზაციის უფლება მოიპოვა. პროექტს „სიმღერების ავტორი“ ჰქვია და კინოგაქირავებაში ის Apple-ის პლატფორმაზე გამოვა. ფილმი მუსიკოსის ბიძაშვილმა, მიურეი კამინგსმა გადაიღო და ის 27 წლის შირანის კარიერას შეეხება. მასში ნაჩვენებია სიმღერების შექმნის პროცესი. „მინდოდა ის სიმღერების ავტორის და არა სუპერვარსკვლავის განხრით მეჩვენებინა“, – განაცხადა კამინგსმა. * ნიკოლას ქეიჯი კინოდან წასვლას გეგმავს. უფრო კონკრეტულად კი, 54 წლის ქეიჯი ეკრანზე აღარ გამოჩნდება და რეჟისორის სავარძელში გადაინაცვლებს. „ახლა უპირველესად მსახიობი ვარ. კინოში ალბათ 3-4 წელი დავრჩები, მაგრამ მომავალში ჩემს თავს რეჟისურაში ვხედავ“, – განაცხადა ქეიჯმა. როგორც ჩანს, მსახიობი ცნობილი ბიძის, ფრენსის ფორდ კოპოლას გზაზე წასვლას გეგმავს. ________________________ Official Site - http://www.musicbox.ge/ MyVideo - http://www.myvideo.ge/?user_id=921478 Facebook - https://www.facebook.com/MusicBoxGeorgia Twitter - https://twitter.com/#!/musicboxge #MusicBox #News #სიახლეები