საგანგებო ზომები ევროპის ქალაქებში

იტალიაში კორონავირუსით გარდაცვლილთა რაოდენობამ ათასს გადააჭარბა. ინფიცირებულია 15 000-ზე მეტი ადამიანი, მაშინ როდესაც ერთი დღის წინ არსებული მაჩვენებელი 12 462-ს შეადგენდა. კორონავირუსის გავრცელების მხრივ იტალიაში, ევროპის მასშტაბით ყველაზე რთული ვითარებაა. სწორედ ამიტომ ქვეყნის ხელისუფლების გადაწყვეტილებით, დაიხურა ყველა კომერციული დაწესებულება, სასურსათო მაღაზიებისა და აფთიაქების გარდა. ამასთან ერთად, დროებით არ მუშაობენ რესტორნები და ბარები. საგანგებო ზომებს მიმართავენ სხვა ქვეყნებიც. მათ შორის არიან ნიდერლანდები, საფრანგეთი და თურქეთი, სადაც სკოლებსა და უნივერსიტეტებში სწავლა დროებით შეჩერდა. ასევე აიკრძალა რიგი ღონისძიებები. კორონავირუსის გავრცელების შესაჩერებლად კი ჩეხეთმა 15 ქვეყანასთან მოგზაურებისთვის საზღვარს დახურავს. დროებითი აკრძალვა იმ ქვეყნებს შეეხებათ, სადაც კორონავირუსი არის გავრცელებული. კორონავირუსთან საბრძოლველად ქალაქ ნიუ-იოკრში კი საგანგებო მდგომარეობა გამოცხადდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.